Poem

Jahaan tak nazar jaaye
Har taraf patthar hi patthar,
Insaan ki har samwedanaa bhi ho chuki hai jaise patthar.
Tabhi toh usey sunaayi nahi deti
ab dard ki awaaz.
Har taraf hai apni dafli apna raag.
Kahaan dhoodein ab hum Awadh ki us sham ko,
Dhool mein gayab ho chuki us awaam ko,
koi samjhaaye naya shahar baanane waalon ko
kahaan se laaoge doondh ke bahaaron ko.

On elections

Beh rahi hai hawaa phir ek baar chunaav ki,
chal rahi hain baatein har taraf chunaav ki,
jo kabhi naa gaye janataa ka haal jaanane,
woh bhi lagey ab unke aage peeche bhaagne.

Garib janata ko bhi khoob samajh aata hai,
Vote maangne ko jise dekho wahi aata hai.
Jeet jaane par phir naa ye nazar aayenge,
bulaaye jaane par bhi katraa ke nikal jaayenge.
Chuniye unko jo wakt pe kuch toh kaam aayein,
keval apna hi naa karein bhalaa,Sabke kaam aayein.